دخلك يا ربي

 بقلم ميرنا عيساوي جورجي

ضاقت أخلاقي ومن هالحالة تعبانة

ناس بتموت وناس معها مش فرئانة

بصرخ وببكي بقلب محروق وما في حدا عليه انا مش عتبانة

نَفَسي بصدري عم بضيق يا رب افرجها ما في غيرك صَديق

صعبة علي يا ربي شوف الموت وحزني بقلبي خبي

بقعد معك تأرتاح  لغير الآهات ما في سماح

كلمة احكيك مش عم اقدر عم انسى انك على كل حال اقدر

دخلك يا ربي لا تسمح أبعد عنك أو أفتر

ذكّرني لمين بروح او مع مين بضهر  وعندك كلام الحياة والجوهر

أحضُنّي ذكّرني انك معي مهما اكبر وللشر في حَدّ ومنه انت أكبر

بكلمة خلقت هالاكوان وقادر بكلمة تسدّ فوّهة أكبر بركان

تعبت يا رب ومن هالاخبار عم أضجر

دخيلك يا رب تدخّل وامل جديد بقلب الكل أدخل

عم فكر بهروب بس مع مين بروح ولوين بدي أَهجر ؟!؟!

هالبلد الي عم ينزف والكل يوم جرحه بيكبر

ساعدني أهرب ليك وبحضنك أتخبى عندك الضيق بيصبح رحب وما بيتعبى

هموم الدني أمامك صغيرة, لانه يدك قديرة……أمين قديرة

بكلمتك ذكّرني انت اللي قلت: آخر الايام رح تكون شريرة

ومجيئك بيقرّب كل ما زاد خراب هالديرة

ثَبّتني على حقك، ما يتزعزع ايماني, لحد ما أسكن ديارك وسَمّعك الاغاني

اغاني تمجيد للاله القادر القريب, اللي وعوده بيتمم وعن كلامه ما بيحيد

لا ما رح اقعد اتحسّر, ووقف على اطلال الماضي وقول الخير تبخر

الخير انت…… فيك انت ………..وبكرا افضل!!!!

وبالتمام بس مش اخر الكلام:

ساعدني الجائلك واكلمك, وقلبي افتحلك ..

وللكل بعلن وبقول: الهي بريء, الهي بريء من هالشر ومن هالضيق

وبشجّعِك وبشجّعَك: اله وحده الجأ, بشخصه وحده الصق، ما الك غيره ملجأ…