اعلان اعلان.. لكل السيدات العازبات!! وبس العازبات!! ؛) اسمحولي اوعظ عليكم لمدة دقيقة واحدة او يمكن 3 دقايق.. ب10 نقاط لازم كل صبية تعملهم قبل ما تسمح لشب يحط الدبلة في اصبعها (ع قولة المغنية بيونسي) … وهو موضوع لازم تقرري فيه منيح قبل ما تسمحي لأي شب فعلا يحط الدبلة في اصبعك!!

 

  1. اوقعي بحب الرجل الخطأ. وعلى قولة المثل.. “اللي ما بيقتلك بيخليكي أقوى.”
  2. علمي حالك تطبخي طبخة وحدة كتير كتير كويس. انا شخصيا بحب اسوي حلو.. جاتو وتشيز كيك.. مش مهم شو اكلتك.. المهم تقدري توفري أي شي بيتاكل عالطاولة.
  3. اعرفي أي الوان بتنحط مع بعض بالغسيل.. وقديش الحرارة لكل نوع غسلة. صدقيني بتوفري ع حالك وجع القلب ومصاري.
  4. الحقي وظيفة أحلامك. ممكن تحسي وكأنك جرو بيلاحق ذيله، بس هيك كتير احسن من انو تضلي لاحقة رجل.
  5. سافري مع صديقاتك. وتعلمي بعض الكلمات الأجنبية، وعيشي حالات الجنون والهبل ؛).
  6. اقضي بعض الوقت مع أمك. وبدل ما تروحي تتبضعي.. فتشي بخزانتها. اكيد راح تلاقي قطع اواعي قديمة بس رجع موديلها.. وببلاش كمان J.
  7. نظفي حياتك. يعني احذفي البرامج اللي ماخدة محل عالكمبيوتر او الموبايل واللي بتضلي تحكي بيجي يوم وبستخدمهم. امحي الأصدقاء السلبيين من محيطك والشباب من قلبك. وبكفي تسمي أكوام الهبل منظمة، حطي كل اشي بيخصك محل ما بينتمي (وبعض الاشياء ممكن تنتمي في الزبالة.. عادي).
  8. حطي لنفسك نوع تحدي ذاتي بالخارج – مش قصدي تروحي تضيعي بالغابة مثلا، بس ممكن تسجلي لدورة ركوب حصان أو تسلق جبال.
  9. تبرعي بوقتك. يعني اعيدي تخصيص عدد قليل من ساعات الفيسبوك للتطوع في اي مكان، ممكن مأوى عجزة، حضانة او أي محل بتحسي حالك ممكن تعطي فيه.
  10. بلشي وفري مصاري.. شواقل.. اللي ممكن مرات تلاقيهم بين مخدات الكنباية اوبالسيارة.. لحتى بيوم تحققي رحلة أحلامك لماليزيا..هاواي.. او البرازيل (شبابهم حلوين ع فكرة) ..او حتى لتشتري فستان ماركة كان نفسك فيه. J